"Mən "astroloq deyiləm" və ABŞ 2024-cü ildə Ukraynaya hərbi yardımı azaldacağı təqdirdə nə baş verəcəyini bilmirəm". 

"Operativ Media" xəbər verir ki, bu barədə Avropa İttifaqının (Aİ) diplomatik xidmətinin rəhbəri Cozep Borell müdafiə nazirləri səviyyəsində keçirilən Aİ Şurasının iclasından sonra baş tutan mətbuat konfransında bildirib.

"Aİ Şurası tok-şou deyil, mən də astroloq deyiləm, gələn il ABŞ-də nə baş verəcəyini bilmirəm. Bu cür spekulyasiyaları müzakirə etməkdənsə, daha ciddi hərəkət etməliyik, diqqətimizi indiki məqama yönəltməliyik", - deyə Borell ABŞ-nin Kiyevə hərbi tədarükünü azaldacağı təqdirdə Aİ-nin Ukraynaya yardımı artırmağa hazır olub-olmadığı sualına cavab verib.