Somalidə daşqınlar davam edir. Mövsümi yağışlar paytaxt Moqadişunu suya qərq edib.

"Operativ Media" xəbər verir ki, ölkənin mərkəzi və cənub hissələri, həmçinin qonşu Keniya da daşqınlardan ziyan çəkib. Məlumata görə, oktyabrdan başlayan leysan Somalidə 31, Keniyada isə 15 nəfərin həyatına son qoyub. Somalidə 500 min insan daşqın səbəbindən evini tərk edib. 1,5 milyon hektar əkinəyararlı ərazi məhv olub. Qeyd edək ki, mövsüm yağışları bu ilin sonuna kimi yağmağa davam edəcək.