Şimali Koreya ballistik raketi sınaqdan keçirib.

“Operativ Media” xəbər verir ki, bu barədə Yaponiya Müdafiə Nazirliyi məlumat yayıb.

Məlumata görə, sınaqdan keçirilən raket orta mənzilli ballistik raket olub.

Cənubi Koreya rəsmiləri isə bildiriblər ki, raket yerli vaxtla saat 15:00-a yaxın Pxenyan ərazisindən Şərq dənizinə buraxılıb. Raket təxminən 1000 km və ya təxminən 621 mil yol qət edib.

Cənubi Koreya ordusunun bəyanatında deyilir: “Biz Şimali Koreyanın raket buraxılışını Koreya yarımadasında sülh və sabitliyi ciddi şəkildə təhdid edən açıq-aşkar təxribat kimi pisləyirik”.