Estoniya ölkənin Riigikogu (parlament) qərarından sonra Rusiya ilə mülki, ailə və cinayət işləri üzrə hüquqi yardım və hüquqi münasibətlər haqqında müqaviləyə xitam verib. 

"Operativ Media" xəbər verir ki, bu barədə Baltik Respublikası prezidentinin dəftərxanası məlumat yayıb.

"Prezident Alar Karis Estoniya ilə Rusiya arasında hüquqi yardım müqaviləsini ləğv edən qanunu elan edib", - bəyanatda deyilir. Beləliklə, hüquqi akt tam hüquqi qüvvə əldə edəcəkdir.

Bu qərara səbəb Rusiya ədliyyə sisteminə inamın olmaması və Rusiya Federasiyasının Ukraynaya qarşı hərəkətləridir. İki ay əvvəl Latviya Rusiya Federasiyası ilə analoji müqaviləyə xitam verib. Tallin ilə Moskva arasında müqavilə 30 ildən çox müddət əvvəl imzalanıb və mütəmadi olaraq uzadılıb.

Rusiya Federasiyası ilə müqaviləyə daxil olan bütün hüquqi məsələlər indi bu ikitərəfli sənəd əsasında deyil, bütün digər beynəlxalq müqavilələr əsasında aparıla bilər.