"Tesla" satışların azalması və elektrikli avtomobillər üçün güclənən qiymətlərlə mübarizə apardığı üçün qlobal işçi qüvvəsinin 10%-dən çoxunu ixtisar edib.

"Operativ Media" xəbər verir ki, bu barədə CEO İlon Mask işçilərə məktub göndərib.

Bildirilib ki, bu addım xərcləri azaltmaq və məhsuldarlığı artırmaq məqsədi daşıyır. 

"Biz şirkəti böyümənin növbəti mərhələsinə hazırlayarkən, xərcləri azaltmaq və məhsuldarlığı artırmaq üçün şirkətin hər aspektinə baxmaq son dərəcə vacibdir. Bu səyin bir hissəsi olaraq biz təşkilata hərtərəfli nəzər saldıq və qlobal miqyasda işçilərin sayını 10%-dən çox azaltmaq üçün çətin qərar verdik", - Maskın bütün işçilərə ünvanladığı məktubunda qeyd olunub.

Məlumata görə, onların işlərinin dayandırılması dərhal qüvvəyə minəcək.
Qeyd edək ki, "Tesla"nın işçilərinin sayı 2021-ci ilin sonunda 100.000-dən, 2023-cü ilin sonunda 140.000-dən çox artıb.