Ermənistan Müdafiə Nazirliyinin rəhbəri Suren Papikyan və ABŞ səfiri Kristina Quinn kütləvi qırğın silahlarının yayılmasına qarşı mübarizə sahəsində sazişi genişləndiriblər.

"Operativ Media" xəbər verir ki, bu barədə Ermənistan hərbi idarəsinin mətbuat xidməti məlumat yayıb.

Müdafiə Nazirliyindən verilən məlumata görə, görüşdə tərəflər müdafiə sahəsində ikitərəfli əməkdaşlığın inkişafı, hərbi islahatlara dəstək və regional təhlükəsizlik məsələlərini müzakirə ediblər.

Bildirilib ki, əməkdaşlığın hazırkı səviyyəsi qarşılıqlı yüksək qiymətləndirilib.