Mayın 14-də keçiriləcək plenar iclasda Gürcüstan parlamenti xarici agentlər haqqında qanunu üçüncü və yekun oxunuşda qəbul edəcək. 

"Operativ Media" xəbər verir ki, bu barədə Gürcüstanın baş naziri İrakli Kobaxidze gürcü jurnalistlərlə keçirdiyi mətbuat konfransında bildirib.

"Sabah Gürcüstan parlamenti Gürcüstan əhalisinin əksəriyyətinin rasional iradəsinə uyğun hərəkət edəcək və üçüncü oxunuşda tətbiq edilən qondarma qütbləşməyə son qoymaqda həlledici rol oynayacaq xarici agentlər haqqında qanunu qəbul edəcək", - Kobaxidze bildirib.