Türkiyənin "Qalatasaray" klubu Rusiyanın "Lokomotiv" komandasının 21 yaşlı yarımmüdafiəçisi Aleksey Batrakovu heyətinə qatmaq niyyətini davam etdirir.

​Operativ Media xəbər verir ki, bu barədə türkiyəli jurnalist Erdem Açıkgöz məlumat verib.

​Mənbənin iddiasına görə, İstanbul təmsilçisinin rusiyalı futbolçunun keçidini həyata keçirmək üçün Rusiyada iki nümayəndəsi fəaliyyət göstərir. Klub rəhbərliyi avqustun 10-u da daxil olmaqla, qarşı tərəfdən müsbət və ya mənfi cavab gözləməyə hazırdır.

​Bununla yanaşı, "sarı-qırmızılılar" təklif etdikləri məbləği artırmağı planlaşdırmırlar. "Lokomotiv" bu transferdən imtina edəcəyi təqdirdə, Türkiyə klubu həmin mövqe üçün əvvəlcədən müəyyənləşdirdiyi alternativ variantlara yönələcək.

​Qeyd edilib ki, daha əvvəl jurnalist Uğur Öztürk "Qalatasaray"ın Batrakov üçün bonuslar da daxil olmaqla 25 milyon avro təklif etdiyini bildirib. Danışıqlar barədə məlumatı insayder Nikolo Skira da yayıb.