Əraqçi: İran-Azərbaycan münasibətləri müsbət istiqamətə yönəlib

İranın xarici işlər naziri Abbas Əraqçi bildirib ki, Pezeşkian hökuməti xarici siyasətdə qonşu və müsəlman ölkələri ilə münasibətlərə, regionda sülhün və əməkdaşlığın bərqərar olunmasına üstünlük verir.

Operativ Media İran mediasına istinadən  xəbər verir ki, nazir İran və Azərbaycan prezidentləri arasındakı birbaşa dialoqu yüksək qiymətləndirərək vurğulayıb ki, Məsud Pezeşkianın səmimi ünsiyyəti və diplomatik addımları iki ölkə arasındakı gərginliyi aradan qaldıraraq münasibətləri müsbət istiqamətə yönəldib. 

Əraqçi, həmçinin İranın digər qonşu dövlətlərlə də əlaqələrinin yaxşı səviyyədə olduğunu qeyd edib.