AYNA gömrük postunda gözləyən yük avtomobillərinin sayını açıqlayıb

Azərbaycan-Gürcüstan sərhədində yerləşən "Qırmızı Körpü" gömrük postunda 1 030 avtomobil gözləyir.

Operativ Media xəbər verir ki, bu barədə Rəqəmsal İnkişaf və Nəqliyyat Nazirliyi yanında Azərbaycan Yerüstü Nəqliyyat Agentliyi (AYNA) məlumat yayıb.

Gömrük-sərhəd buraxılış məntəqələrində çıxışda canlı növbədə olan yük maşınlarının sayı barədə məlumata əsasən, Azərbaycan-Rusiya sərhədindəki "Samur" gömrük postunda 47, Azərbaycan-İran sərhədindəki "Astara" gömrük postunda isə 37 yük maşını var.

Hazırda "Xanoba", "Mazımqara" və "Biləsuvar" gömrük postlarında gözləyən avtomobil yoxdur.