ABŞ İranın aviasiya sahəsinə dəstək verdiklərinə görə 35 şirkətə qarşı sanksiya tətbiq edib

ABŞ İran üzrə sanksiya siyahısına 35 hüquqi şəxs və bir Misir vətəndaşını daxil edib. 

Operativ Media xəbər verir ki, müvafiq bildiriş ABŞ Maliyyə Nazirliyinin Xarici Aktivlərə Nəzarət İdarəsinin (OFAC) saytında yerləşdirilib.

Məlumata əsasən, məhdudiyyətlər aviasiya daşımaları sahəsində fəaliyyət göstərən 35 aviaşirkət və digər firmaya qarşı tətbiq edilib. 

Söhbət İran, BƏƏ, Böyük Britaniya, Malayziya, Türkiyə və Qazaxıstanda yerləşən şirkətlərdən gedir.