Hikmət Hacıyev Azərbaycan-BƏƏ strateji tərəfdaşlığının inkişafını yüksək qiymətləndirib

Azərbaycan Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev BƏƏ Milli Media Ofisinin sədri Abdulla M. Əlhəmədə Ərəb Media Forumuna görə təşəkkür edib.

Operativ Media xəbər verir ki, bu barədə H.Hacıyev sosial media hesabında paylaşım edib:

"Ərəb Media Forumunun yüksək səviyyədə təşkil olunması münasibətilə sizi təbrik edirəm. Azərbaycan-BƏƏ strateji tərəfdaşlığının, o cümlədən media və kommunikasiya sahəsində əməkdaşlığın daha da inkişaf etdirilməsi ilə bağlı səmərəli müzakirələrimizi yüksək qiymətləndirirəm. Bu əməkdaşlıq prezidentlərimizin müəyyən etdiyi istiqamət və baxışlara uyğundur".