Gürcüstan Rusiya ilə hava əlaqələrinin bərpasına görə Avropa İttifaqından demarş alıb.

"Operativ Media" xəbər verir ki, sənədi Gürcüstan İqtisadiyyat Nazirliyinin rəhbəri Levan Davitaşviliyə Aİ-nin Gürcüstandakı səfiri Pavel Qerçinski təqdim edib.

"Gürcüstan hökumətinin Rusiyadan birbaşa uçuşlar qəbul etmək qərarından təəssüfləndiyimizi bildirən demarş çatdırdıq. Bu qərarın 27 Avropa İttifaqına üzv dövlətin Rusiya ilə birbaşa uçuşların olmaması, Rusiya təyyarələrinin keçməsinə icazə verilməməsi barədə yekdil qərarı ilə ziddiyyət təşkil etdiyini bildirdik".