Şavkat Mirziyoyev bu həftə Qırğızıstana səfər edəcək

Özbəkistan prezidenti Şavkat Mirziyoyev bu həftə Qırğızıstana səfər edəcək

"Operativ Media" xəbər verir ki, iyunun 2-də Çolpon-Atada Avropa İttifaqı-Mərkəzi Asiya sammiti keçiriləcək.

İclasda Kasım-Jomart Tokayev, Emoməli Rəhmon, Türkmənistan Nazirlər Kabineti rəhbərinin müavini və Avropa Şurasının prezidenti Çarlz Mişel də iştirak edəcək.

Sammitdə Mərkəzi Asiya ilə Aİ arasında siyasi, ticarət-iqtisadi, mədəni və humanitar əməkdaşlıq məsələləri müzakirə olunacaq.

Bundan əlavə, nümayəndə heyətlərinin rəhbərləri ilə ikitərəfli görüşlər keçiriləcək.