Hövsanda avtobus piyadanı vuraraq öldürüb

Hövsan-Zığ yolunda avtobusun piyadanı vurması ilə yol nəqliyyat hadisəsi baş verib. 
"Operativ Media" xəbər verir ki, Hövsandan Əhmədli istiqamətində hərəkət edən 132 nömrəli avtobus yolu keçmək istəyən qadın piyadanı vurub.
Hələlik kimliyi məlum olmayan piyada hadisə yerində ölüb. Əraziyə polis əməkdaşları cəlb olunub.
Sakinlərin sözlərinə görə, bu cür qəzalar həmin yolda tez-tez baş verir. Bunun əsas səbəbi isə yolun işıqlandırılmamasıdır.

Sevinc İbrahimzadə