BMT: Yəməndə münaqişələr 280 mindən çox insanı didərgin salıb

Yəməndə davam edən münaqişələr nəticəsində 280 mindən çox insan evlərini tərk etmək məcburiyyətində qalıb.

Operativ Media xəbər verir ki, bunu BMT Qaçqınlar üzrə Ali Komissarlığının sözçüsü Metyu Soltmarş Cenevrədə keçirilən mətbuat konfransında bildirib.

Onun sözlərinə görə, təhlükəsizlik problemləri və humanitar yardıma çıxışın məhdudlaşması əhalinin vəziyyətini daha da ağırlaşdırır.

Soltmarş qeyd edib ki, təhlükəli şərait səbəbindən bir çox didərgin yardım məntəqələrinə çata bilmir, humanitar təşkilatların onlara yardım çatdırması da çətinləşib.