Fövqəladə Hallar Nazirliyinin “112” qaynar telefon xəttinə intensiv yağışlar səbəbindən Naxçıvan şəhəri və Babək rayonunda bəzi fərdi ev, bina və həyətyanı sahələrin subasmaya məruz qalması ilə bağlı məlumatlar daxil olub.

"Operativ Media" xəbər verir ki, bu barədə FHN məlumat yayıb.

Məlumata görə, bununla əlaqədar Naxçıvan Muxtar Respublikası FHN-nin qüvvələri dərhal su basmış ərazilərə cəlb olunub.

Hazırda Nazirliyin qüvvələri tərəfindən su basmış yerlərdən suyun çəkilərək kənarlaşdırılması işləri və digər zəruri təhlükəsizlik tədbirlərinin görülməsi davam etdirilir.