Qəzzada ağır yaralanan Fransa Xarici İşlər Nazirliyinin əməkdaşı bu gün vəfat edib.

"Operativ Media" xəbər verir ki, bu barədə Fransa Xarici İşlər Nazirliyi məlumat yayıb.

Bildirilib ki, dekabrın 13-də İsrailin Qəzza zolağının cənubundakı Rəfah şəhərindəki iqamətgaha hücumu nəticəsində nazirliyin əməkdaşı ağır yaralanıb. Yaralı fransız bu gün səhər saatlarında ölüb.

Qeyd edək ki, Qəzzadakı Səhiyyə Nazirliyi İsrail-HƏMAS münaqişəsində 18 800 nəfərin öldüyünü, 51 000 nəfərin isə yaralandığını açıqlayıb.