"İsrail davam edən danışıqlarda Fələstin qrupunun tələblərini qəbul edərsə, Qəzzada atəşkəs 24-48 saat ərzində əldə oluna bilər".

"Operativ Media" xəbər verir ki, bunu HƏMAS-ın yüksək səviyyəli rəsmisi AFP-yə bildirib.

"İsrail HƏMAS-ın məcburi köçkün düşən fələstinlilərin Qəzzanın şimalına qayıtması və humanitar yardımın artırılması da daxil olmaqla tələbləri ilə razılaşarsa, bu, yaxın 24-48 saat ərzində atəşkəs razılaşmasına zəmin yaradacaq", - qrupun nümayəndəsi agentliyə bildirib. 

Daha əvvəl "Reuters" ABŞ administrasiyasının yüksək rütbəli rəsmisinə istinadla bildirmişdi ki, İsrailin razılığı ilə Qəzzada 6 həftəlik atəşkəs tələb edən sazişin çərçivəsi hazırlanır və HƏMAS silahlı qruplaşmasının girovların azad edilməsi ilə bağlı razılığından asılıdır.