Gürcüstan parlamenti xarici agentlər haqqında qanun layihəsinə tam baxmağa vaxt tapmayıb.

"Operativ Media" xəbər verir ki, bunu Gürcüstan qanunverici orqanının sədri Şalva Papuaşvili deyib.

"Müzakirələr və səsvermə sabah da davam edəcək", - Papuaşvili qeyd edib.

Parlament aprelin 30-da ikinci oxunuşda xarici agentlər haqqında qanun layihəsinin müzakirəsinə başlayıb. Gün ərzində deputatlar qanuna maddə-maddə baxıblar. Parlamentarilər arasında qızğın müzakirələr aparılıb. Onlar qanun layihəsinin 11 maddəsindən yalnız 3-nə baxa biliblər.

Eyni zamanda bu qanun layihəsinə qarşı yenidən parlament qarşısında mitinq keçirilir. Minlərlə insan Rustaveli prospektini bağlayıb və hakimiyyətdən təşəbbüsü geri götürməsini tələb edib.