Co Bayden Virciniyadakı Myer Hernderson bazasında Müdafiə Nazirliyi (Pentaqon) tərəfindən onun üçün təşkil edilən hərbi vida mərasimində iştirak edib.

"Operativ Media" xəbər verir ki, buradakı çıxışında Bayden Əfqanıstandan Ukraynaya və Yaxın Şərqə kimi dünyanın müxtəlif yerlərində xidmət edən əsgərlərə təşəkkür edərək, ABŞ ordusunun “dünya tarixinin ən böyük döyüş qüvvəsi” olduğunu müdafiə edib.

Bayden ABŞ ordusunun Əfqanıstandakı ən uzun müharibəsini başa vurduqdan sonra Rusiyanın Ukraynanı işğal etdiyini və İkinci Dünya Müharibəsindən sonra "Avropada ən böyük müharibə"ni başlatdığını iddia edib.

"İndi demək olar ki, üç ildən sonra Putin Kiyevi ələ keçirə, böyük ərazi uğurları qazana və NATO-nu dağıda bilmədi” deyən Bayden bu prosesdə Finlandiya və İsveçin də NATO-ya üzv olduğunu xatırladıb.