İspaniya İranla münaqişəyə görə səmasını ABŞ təyyarələri üçün bağlayıb

İspaniya eskalasiya riskini azaltmaq üçün ABŞ-nin İrana qarşı əməliyyatları üçün hava məkanından və hərbi bazalarından istifadəni məhdudlaşdırıb.

Operativ Media xəbər verir ki, bu barədə "BBC" məlumat yayıb.

Baş nazir Pedro Sançez ABŞ və İsrailin hücumlarını əvvəldən tənqid edərək onları qanunsuz adlandırıb və ölkənin hərbi əməliyyatlarda iştirak etməyəcəyini vurğulayıb.

Xarici işlər naziri Xose Manuel Albarez qeyd edib ki, bu cür tədbirlərin məqsədi münaqişəni daha da gərginləşdirə biləcək hər hansı addımın qarşısını almaqdır.