İslam İnqilabı Keşikçiləri Korpusunun (İİKK) donanması Fars körfəzində İsrail konteyner gəmisinə ballistik raket zərbəsi endirib.

Operativ Media xəbər verir ki, bu barədə "Tasnim" məlumat yayıb.

Məlumata görə, İran İsrailin Hörmüz boğazından keçmək cəhdlərinin qarşısını almaq üçün raket və pilotsuz təyyarələrdən istifadə edəcək.

İİKK-nın mətbuat xidməti həmçinin İranın Küveytdəki Əhməd əl-Cabir hava bazasına, Birləşmiş Ərəb Əmirliklərindəki ABŞ Dəniz Piyadaları Korpusunun bazalarına və Bəhreyndəki hava limanı yaxınlığındakı Hawk hava hücumundan müdafiə sisteminə hücum etdiyini bildirib.