ABŞ Yaxın Şərqə üçüncü təyyarədaşıyan gəmisini göndərir

İranla davam edən münaqişə səbəbindən "USS George HW Bush" təyyarədaşıyan gəmisi dəstək gəmilərinin müşayiəti ilə Yaxın Şərqə yola düşəcək.

Operativ Media xəbər verir ki, bu barədə “The New York Post” qəzeti məlumat yayıb.

ABŞ-nin üçüncü aviadaşıyıcı zərbə qrupu Virciniya ştatının Norfolk şəhərindəki bazasını tərk edib və artıq Yaxın Şərqdə olan iki digər aviadaşıyıcı qrupa - Aralıq dənizindəki "USS Gerald Ford" təyyarədaşıyan gəmisinə və Ərəbistan dənizindəki "USS Abraham Lincoln" təyyarədaşıyan gəmisinə qoşulacaq .