Argentina hökuməti İranın Buenos-Ayresdəki müvəqqəti işlər vəkilini arzuolunmaz şəxs elan edib.

Operativ Media xəbər verir ki, bu barədə ölkənin Xarici İşlər Nazirliyi məlumat yayıb.

Məlumata görə, İranın müvəqqəti nümayəndəsi Möhsən Soltani Tehrani Vyana Konvensiyasının 9-cu maddəsinə uyğun olaraq “persona non grata” elan olunub və ona ölkəni 48 saat ərzində tərk etmək tapşırılıb.

Bu qərar İran XİN-in Argentinanın İslam İnqilabı Keşikçiləri Korpusunu terror təşkilatı kimi tanımasına qarşı çıxış etməsinə cavab olaraq qəbul edilib.