Ötən gün Gürcüstanın Marneuli rayonunda Ümid Bayramovu qətlə yetirməkdə şübhəli bilinən əvvəllər müxtəlif cinayətlərə görə məhkum olunmuş 2004-cü il təvəllüdlü şəxs saxlanılıb.

Operativ Media xəbər verir ki, bu barədə Gürcüstan Daxili İşlər Nazirliyi məlumat yayıb.

Daxili İşlər Nazirliyinin məlumatına görə, araşdırma zamanı məlum olub ki, aprelin 2-də Marneulidə keçmişdə baş vermiş narazılıq zəminində mübahisə zamanı təqsirləndirilən şəxs 2005-ci il təvəllüdlü  Ümid Bayramovu boğazından soyuq silahla bıçaqlayaraq hadisə yerindən qaçıb. Yaralı xəstəxanaya aparılarkən aldığı xəsarətlərdən ölüb.

İstintaq Cinayət Məcəlləsinin 15 ilə qədər azadlıqdan məhrum etmə cəzasını nəzərdə tutan 108-ci maddəsi ilə aparılır.