Cənubi Koreya və Fransa Hörmüz boğazına nəzarəti gücləndirəcək

Cənubi Koreya və Fransa gəmilərin Hörmüz boğazından təhlükəsiz keçidini təmin etmək və qlobal enerji təhlükəsizliyinə riskləri azaltmaq üçün birgə tədbirlər görürlər.

Operativ Media xəbər verir ki, bu barədə "Yonhap" xəbər agentliyi məlumat yayıb.

Seulda prezidentlər Li Ce Myonq və Emmanuel Makron dəniz yollarının koordinasiyası, neft və qaz təchizatının sabitliyi, enerji, nüvə və külək enerjisi, yüksək texnologiyalar və beynəlxalq ticarət sahələrində əməkdaşlığın genişləndirilməsi məsələlərini müzakirə ediblər.

Tərəflər Hörmüz boğazında gəmilərin təhlükəsiz keçidini təmin etmək və qlobal enerji təhlükəsizliyi və qlobal iqtisadiyyat üçün riskləri azaltmaq üçün səyləri əlaqələndirmək barədə razılığa gəliblər.