Zəngəzur Nəqliyyat Dəhlizinin dörd-beş il ərzində istifadəyə verilməsi planlaşdırılır.

Operativ Media xəbər verir ki, bu barədə Türkiyənin nəqliyyat və infrastruktur naziri Əbdülqadir Uraloğlu bildirib.

"Zəngəzur dəhlizinin tikintisi dörd-beş il ərzində başa çatacaq. O, istifadəyə verildikdən sonra Xəzər hövzəsindəki maneəni aradan qaldıracağıq. Qarsdan Dilucuya qədər uzanan 224 kilometrlik dəmir yolu layihəsi üçün tender keçirmişik. Naxçıvan hissəsinin bir hissəsi artıq tamamlanıb, digər hissəsi isə Azərbaycan tərəfindən tikilir və praktik olaraq hazırdır".- nazir qeyd edib.