İsrail ordusu İran və Livanda eyni vaxtda 200-dən çox hədəfə hücum edib

İsrail Hərbi Hava Qüvvələri İran və Livana eyni vaxtda iki hücum həyata keçirərək oradakı 200-dən çox müxtəlif hədəfə hücum edib.

Operativ Media xəbər verir ki, bu barədə İsrail ordusunun mətbuat xidməti məlumat yayıb.

Məlumata görə, İranda İslam İnqilabı Keşikçiləri Korpusunun hərbi obyektlərinə, silah anbarlarına, raket inkişaf etdirmə və istehsal müəssisələrinə və hava hücumundan müdafiə sistemlərinə zərbələr endirilib.

Livanda şiə təşkilatı Hizbullahın hərbi hədəflərinə hücum edilib. 

Xüsusilə, İsrail Hərbi Hava Qüvvələri raket buraxıcılarına, silah anbarlarına və Radvan xüsusi təyinatlı qüvvələrinin komandanlıq mərkəzlərinə zərbələr endirib. 

Bildirilib ki, bu hücumlar zamanı Livanda ümumilikdə 140-dan çox hədəfə hücum edilib.