Türkiyədə iki avtomobil toqquşub: 4 nəfər ölüb, 2 nəfər yaralanıb

Türkiyənin Eskişehir vilayətinin Sivrihisar rayonunda iki avtomobilin toqquşması nəticəsində 4 nəfər ölüb, 2 nəfər yaralanıb.

Operativ Media xəbər verir ki, bu barədə "TRT Haber'' məlumat yayıb.

Məlumata görə, avtomobilin biri qarşı zolağa çıxaraq digərinə çırpılıb.

Bildirilib ki, hadisə yerinə polis, jandarma, tibb və yanğınsöndürmə qrupları göndərilib.

Yaralılar tibbi yardım qrupları tərəfindən müalicə üçün xəstəxanaya aparılıb.