Qırğızıstan İrana humanitar yardım göndərib

Qırğızıstandan humanitar yardım daşıyan karvan Türkmənistan və İran sərhədi yaxınlığında yerləşən Serahs şəhərinə çatıb.

Operativ Media xəbər verir ki, bu barədə ölkənin Fövqəladə Hallar Nazirliyi məlumat yayıb.

Nazirlik qeyd edib ki, humanitar yardım gömrük prosedurları tam başa çatdıqdan sonra bu gün qəbul ediləcək.

Xatırladaq ki, aprelin 3-də Fövqəladə Hallar Nazirliyinin yeddi maşını 129 ton humanitar yardımla Qırğızıstandan İrana yola düşüb.