İsrail ordusu Şirazda neft-kimya kompleksinə hücumu təsdiqləyib

İsrail Hərbi Hava Qüvvələri İranın Şiraz şəhərində neft-kimya kompleksinə zərbə endirib.

Operativ Media xəbər verir ki, bu barədə İsrail ordusunun mətbuat xidməti məlumat yayıb.

İsrail ordusunun məlumatına görə, zavod partlayıcı maddələrin hazırlanması üçün vacib olan azot turşusu istehsal edirdi.

İsrail tərəfinin sözlərinə görə, Şirazdakı zavod "partlayıcı maddələr və ballistik raketlərin istehsalı üçün lazım olan digər materiallar üçün vacib kimyəvi komponentlərin istehsal olunduğu sonuncu obyektlərdən biridir".