İzmaildəki partlayışlar liman infrastrukturuna ziyan vurub

Ukraynanın cənubundakı Odessa vilayətinin İzmail şəhərində gecə baş verən partlayışlar nəticəsində liman infrastrukturuna ziyan dəyib.

Operativ Media xəbər verir ki, bu barədə Ukrayna Dəniz Limanları İdarəsi özünün Telegram kanalında məlumat verib.

Məlumata görə, limanda baş verən partlayışlar anbarlarda və gəmilərdən birində yanğınlara səbəb olub və sonradan yanğınlar söndürülüb. Təmizləmə işləri davam edir.