Vens: İranın nüvə planlarından imtina niyyəti hələ müşahidə olunmur
ABŞ-nin vitse-prezidenti Ceys Devid Vens bəyan edib ki, rəsmi Vaşinqton hələlik İran tərəfindən nüvə silahı hazırlamaq imkanından imtina etmək istəyinə dair hər hansı bir razılıq müşahidə etmir.
Operativ Media xəbər verir ki, Pakistanda İran nümayəndələri ilə keçirdiyi danışıqlardan sonra təşkil olunan mətbuat konfransında o, fikirlərini belə ifadə edib:
"Bizə onların nüvə silahı əldə etməyə can atmayacaqlarına və qısa müddətdə bu silahı hazırlamağa imkan verən vasitələrə yiyələnməyəcəklərinə dair qəti təminat lazımdır. Əsas məsələ ondan ibarətdir ki, biz onların təkcə hazırda və ya yaxın iki il ərzində deyil, uzunmüddətli perspektivdə nüvə silahı hazırlamaqdan imtina etməyə hazır olduqlarını görürükmü? Hələlik bunu müşahidə etməmişik, lakin görəcəyimizə ümid edirik".
