Milli İnsan Resursları Forumuna biletlər satışa çıxarılıb

2015-ci ildən etibarən keçirilən Milli İnsan Resursları Forumu (MİRF) bu il “Business Management School” MMC, “Facemark” MMC, “HR Option” MMC təşkilatçılığı ilə 6 may 2023-cü ildə təşkil olunacaq. “Gələcəyə dəyər” konsept mesajı ilə baş tutacaq forum "Baku Marriot Boulevard Hotel"də keçiriləcək.

Forumun qarşıya qoyduğu əsas hədəf insan resursları idarəçiliyi üzrə peşəkar spikerlərin çıxışı və yaradılacaq müzakirə mühiti ilə sahəyə dair müxtəlif mövzuları müzakirə etmək, problem və həll yolları üzərində fikir mübadiləsi aparmaqdır. 500 nəfərdən çox yerli və xarici şirkət nümayəndəsinin iştirakı ilə keçiriləcək tədbirdə insan resursları sahəsinin peşəkarları, şirkət rəhbərləri, sahibkarlar, dövlət və özəl sektor nümayəndələri iştirak edəcək.

Peşəkar moderator və spikerlər “İstedad və təcrübə”, “Gələcəyin insanı”, “Fərqli prizma” panelləri üzrə müxtəlif mövzuları müzakirə edərək "Gələcəyə dəyər" qatmağa çalışacaqlar.

Milli İnsan Resursları Forumuna bilet əldə etmək və tədbir ilə bağlı daha ətraflı məlumat əldə etmək üçün forumun rəsmi internet səhifəsinə (www.mirf.az) keçid edə və sosial media hesablarımızı izləyə bilərsiniz.

Facebook: https://www.facebook.com/mirfaze

İnstaqram: https://www.instagram.com/mirf.aze/

Linkedln: https://www.linkedin.com/company/