Avstraliyada ilk dəfə qadın Ordu Komandanı təyin olunub

Avstraliyanın Baş naziri Entoni Albanese ölkə tarixində ilk dəfə qadın Ordu Komandanının təyin olunduğunu açıqlayıb.

Operativ Media xəbər verir ki, bu vəzifəyə general-leytenant Syuzan Koyl gətirilib.

O, iyul ayından etibarən rəsmi olaraq Avstraliya Ordusunun rəisi kimi fəaliyyətə başlayacaq.

“125 illik tariximizdə ilk dəfə qadın Avstraliya Ordusunun rəhbəri təyin olunur”, - Baş nazir qeyd edib.

Qeyd edək ki, Syuzan Koyl hərbi xidmətə 1987-ci ildə Ordu Ehtiyat Qüvvələrində başlayıb. O, karyerası ərzində Əfqanıstanda xüsusi təyinatlı dəstəyə rəhbərlik edib, həmçinin 17-ci Siqnal Alayının komandiri kimi mühüm vəzifələrdə çalışıb.