Londonun şimal-qərbində yerləşən sinaqoqa hücum edilib.

Operativ Media xəbər verir ki, bu barədə "Sky News" məlumat yayıb.

Bildirilib ki, gecə saatlarında "Kenton United Synagogue" ərazisinə polis və yanğınsöndürmə briqadaları cəlb olunub.

Baş ravvin yəhudi icmasına qarşı zorakılıq və qorxu yaratmağa yönəlmiş hadisələrin artdığını qeyd edib.

Qeyd edək ki, bir gün əvvəl də Londonun şimal-qərbində yəhudi xeyriyyə təşkilatına məxsus binaya hücum edilib.

Son hadisə zamanı binanın otaqlarından birində tüstülənmə qeydə alınıb, lakin xəsarət alan olmayıb və ciddi struktur ziyanı baş verməyib.