ABŞ-ın kommersiya xam neft ehtiyatları keçən həftə əvvəlki həftə ilə müqayisədə təxminən 7 milyon 500 min barrel azalıb.

"Operativ Media" xəbər verir ki,  bu barədə ABŞ Enerji İnformasiya İdarəsi (EIA) açıqlama yayıb.

Bildirilib ki, ölkədəki ticari xam neft ehtiyatları keçən həftə təxminən 7 milyon 500 min barrel azalaraq 473 milyon 700 min barrelə düşüb.

Kommersiya xam neft ehtiyatlarına daxil olmayan strateji xam neft ehtiyatları isə dəyişməyərək 371 milyon 600 min barel səviyyəsində qalıb.

Sözügedən dövrdə ABŞ-ın benzin ehtiyatları 2 milyon 900 min barrel azalaraq 226 milyon 700 min barelə düşüb.