Aleksey Çadayev Azərbaycanla bağlı bəyanatlarına görə istefa verib

Rusiya Nəqliyyat Nazirinin müşaviri Aleksey Çadayev vəzifəsindən istefa vermək qərarına gəldiyini açıqlayıb.

Operativ Media bu barədə Rusiya mediasına istinadən xəbər verir.

O bildirib ki, podkastda Azərbaycanla bağlı dedikləri şəxsi mülahizələri olub.

Həmçinin qeyd edib ki, bu kimi açıqlamaların dövlətlərarası əməkdaşlığa təsir etməsini və dövlətlərin birgə işinə maneələr yaratmasını düzgün hesab etmir. 

Qeyd edək ki, Çadayev və digər iki nəfər Azərbaycanla bağlı dediklərinə görə barələrində cinayət işi başlanıb və beynəlxalq axtarışa veriliblər.