Fransa millisinin sabiq üzvü Robert Muyne 96 yaşında vəfat etdi

Fransanın "Lion" klubunun sabiq müdafiəçisi və ölkə milli komandasının keçmiş üzvü Robert Muyne 96 yaşında dünyasını dəyişib.

​Operativ Media xəbər verir ki, bu barədə məlumatı mərhum futbolçunun vaxtilə çıxış etdiyi klublar yayıblar.

​Bildirilib ki, karyerası ərzində "Lion" forması ilə 149 matça çıxan Muyne 1958-ci il dünya çempionatında bürünc medal qazanan Fransa millisinin heyətində yer alan sonuncu şahidlərdən biri idi.

​Qeyd edək ki, sabiq müdafiəçi karyerası ərzində "Tuluza" (1949–1953 və 1959–1963) və "Kann" (1953–1955) klublarının da şərəfini qoruyub. "Tuluza"nın heyətində 8 mövsüm ərzində 184 dəfə meydana çıxan futbolçu 1953-cü ildə klubun Divizion 2-də qazandığı tarixi qələbənin əsas iştirakçılarından biri olub.