Viktor Yuşenko: Avropanın regionun lideri olan Azərbaycana ehtiyacı var

Operativ Media xəbər verir ki, Yuşenko Azərbaycanın siyasətinin artıq regionun gündəmini aşaraq Avropa və dünya ilə daha geniş əlaqələr qurmağı tələb edən səviyyəyə çatdığını bildirib.

O qeyd edib ki, Azərbaycanla Avropa arasında ən böyük kəsişmə məhz siyasi və iqtisadi maraqlar sahəsindədir.

Yuşenkonun sözlərinə görə, Azərbaycanın iqtisadi siyasət baxımından malik olduğu imkanlar dünyanın ən böyük ödəniş bazarlarından biri olan Avropa İttifaqı bazarında daha geniş şəkildə reallaşdırılmağa doğru gedir.

O vurğulayıb ki, Azərbaycan bu istiqamətdə yalnız alqı-satqı münasibətləri qurmağa deyil, həm də Avropa ilə infrastruktur əlaqələrini inkişaf etdirməyə çalışır.

“Avropanın regionun lideri olan Azərbaycana ehtiyacı var”, - deyə Viktor Yuşenko bildirib.