ÇL: "Aston Villa" Belçika səfərindən qələbə ilə qayıdır

“Aston Villa” UEFA Çempionlar Liqasının Liqa mərhələsinin 1-ci turunda səfərdə “Brügge”yə 3:2 hesabı ilə qalib gəlib.

Operativ Media xəbər verir ki, görüşdə hesabı 11-ci dəqiqədə “Aston Villa”nın yarımmüdafiəçisi Con Makqinn açıb. “Brügge” 8 dəqiqə sonra Hüqo Vetlesenin qolu ilə bərabərliyi təmin edib.

22-ci dəqiqədə Emiliano Buendia qonaqları yenidən önə çıxarıb. İlk hissənin sonlarına yaxın Nikolas Cekson “Aston Villa”nın heyətində debüt qolunu vuraraq fərqi iki topa çatdırıb.

Belçika təmsilçisi ikinci hissədə yalnız bir dəfə fərqi azalda bilib. Nikolo Tresoldi 61-ci dəqiqədə penaltini dəqiq yerinə yetirib.

Növbəti turda “Brügge” oktyabrın 13-də səfərdə “İnter”lə qarşılaşacaq. “Aston Villa” isə oktyabrın 14-də doğma meydanda “Fənərbağça”nı qəbul edəcək.