Hindistanda tikilməkdə olan kilsənin damı uçması nəticəsində 3 nəfər həlak olub

Hindistanın Tamilnad ştatında tikilməkdə olan kilsənin damının çökməsi nəticəsində 3 nəfər həlak olub, 14 nəfər xəsarət alıb.

Operativ Media xəbər verir ki, bu barədə Hindistan mediası məlumat yayıb.

Hadisə Vellor dairəsinin Tiruvalam ərazisində yerləşən Mancu Krişnapuramda baş verib.

Məlumata görə, hadisə zamanı tikinti podratçısı və bir fəhlə ölüb. Daha bir fəhlənin meyiti isə sonradan dağıntılar altından çıxarılıb.