ABŞ Konqresi İranla müharibənin dayandırılmasını tələb edən qətnamə qəbul edib

ABŞ Konqresinin Nümayəndələr Palatası Prezident Donald Trampdan İrana qarşı hərbi əməliyyatların dayandırılmasını tələb edən qətnamə qəbul edib.

Operativ Media xəbər verir ki, qətnamənin lehinə 220 qanunverici səs verib, 204 nəfər isə əleyhinə çıxıb. Səsvermə respublikaçıların nəzarətində olan Nümayəndələr Palatasında keçirilib.

Qətnamə hüquqi qüvvəyə malik deyil və tövsiyə xarakteri daşıyır. Bu cür sənədlərlə qanunvericilər öz mövqelərini ifadə edirlər və ABŞ-nin icra hakimiyyəti onları nəzərə almaya bilər.

ABŞ Konstitusiyasına əsasən, müharibə elan etmək səlahiyyəti prezidentə deyil, Konqresə məxsusdur. Bununla belə, son onilliklərdə ABŞ prezidentləri qanunvericilərin xaricdə hərbi gücdən istifadəyə verdiyi icazələri geniş şəkildə şərh ediblər.