Azərbaycanda 25,7 milyon manatlıq əczaçılıq məhsulları istehsal olunub

Bu ilin yanvar-avqust ayları ərzində Azərbaycanda 25,7 milyon manatlıq əczaçılıq məhsulları istehsal olunub.

Operativ Media Dövlət Statistika Komitəsinə istinadən xəbər verir.

Məlumata görə, ötən ilin eyni dövrü ilə müqayisədə istehsal dəyəri 48,4 faiz artıb.

Cari ilin ilk səkkiz ayında 16 303,2 min manatlıq dərman istehsal olunub ki, bu da illik ifadədə 59 faiz çoxdur. Bu ilin sentyabr ayının 1-nə sənaye müəssisələrinin anbarlarında 609,7 min manatlıq hazır məhsul ehtiyatı olub.