ABŞ ordusu Karib dənizində narkotik gəmisini vurub, dörd nəfər ölüb

ABŞ hərbi qüvvələri Karib dənizində narkotik qaçaqmalçılığı ilə məşğul olan gəmini bombalayıb, nəticədə dörd nəfər həlak olub.

Operativ Media bu barədə ABŞ Mərkəzi Komandanlığına istinadən xəbər verir ki, gəminin narkotik qaçaqmalçılığında iştirak etdiyinə dair təsdiqlənmiş kəşfiyyat məlumatları olub.

Qeyd edək ki, ABŞ ötən ildən bəri narkotik qaçaqmalçılığında iştirak edən gəmilərə hücum kampaniyası aparır. Bu dövrdə ABŞ ordusu Karib dənizində və Sakit Okeanın şərqində bir sıra gəmilərə hücumlar həyata keçirib və Amerika mənbələrinə görə, bu hücumlar 220-dən çox insanın həyatına son qoyub.