Xoselu karyerasını Qətərdə davam etdirəcək

İspaniyalı hücumçu Xoselu Qətərin “Əl-Sailiya” klubu ilə müqavilə imzalayıb.

Operativ Media xəbər verir ki, bu barədə klubun rəsmi saytı məlumat yayıb. Tərəflər arasındakı müqavilənin müddəti açıqlanmayıb.

Klubun mətbuat xidməti sosial şəbəkələrdə transferi “İspan nəhəngi artıq ‘Əl-Sailiya’da” sözləri ilə təqdim edib.

Xoselu son iki mövsümdə “Əl-Qarafa”nın formasını geyinib. O, bütün turnirlərdə 58 oyunda 28 qol vurub və 5 məhsuldar ötürmə edib.

Hücumçu karyerası ərzində “Real”, “Espanyol”, “Nyukasl”, “Stok Siti”, “Deportivo”, “Hannover”, “Ayntraxt” və “Selta” klublarında da çıxış edib.

“Əl-Sailiya” Qətər çempionatının cari mövsümündə keçirdiyi dörd oyunun hamısında məğlub olub və turnir cədvəlinin sonuncu pilləsində qərarlaşıb.