İsrail XİN rəhbəri Azərbaycan Prezidenti ilə terrorizmlə mübarizəni müzakirə edib

İsrailin xarici işlər naziri Eli Kohen Azərbaycan Respublikasının Prezidenti İlham Əliyevlə görüşü ilə bağlı paylaşım edib.

"Operativ Media" xəbər verir ki, paylaşımda deyilir:

"Azərbaycan Prezidenti ilə əla görüş oldu. Biz terrorizmlə mübarizə, ölkələr arasında təhlükəsizlik və iqtisadi əməkdaşlığın genişləndirilməsi məsələlərini müzakirə etdik.
Mən prezidenti şiə müsəlman ölkəsinin ilk səfirliyi olan İsraildə səfirlik açmaq qərarına görə təbrik etdim. Bu, İsrail dövlətinin dünyada yüksək ehtiramının sübutudur".