“Aqualink” şirkətinin təşkilatçılığı, Azərbaycan Respublikasının Ekologiya və Təbii Sərvətlər Nazirliyinin təşkilati dəstəyi ilə 30 may 2023-cü il tarixində Bakıda dünyanın aparıcı su mütəxəssisləri və ekoloqlarının iştirakı ilə ikinci Xəzər Su İnnovasiya Forumu keçirilmişdir.
“Gələcək üçün su!” şüarı ilə keçirilmiş bu ilki foruma qeyd olunmuş sahələr üzrə dünyanın 15 ölkəsindən 26 aparıcı şirkət, o cümlədən 60 dan beynəlxalq səviyyəli peşəkar mütəxəssislər iştirak edib.
İctimaiyyətdə və biznes dairələrində böyük maraq yaradan bu tədbiri ümumilikdə 300-dən çox qonaq ziyarət etmişdir.
Su texnologiyaları və kimya həlləri sahəsində dünyanın aparıcı şirkətlərindən olan “AO Smith”, “Nijhuis Saur İndustries”, “Unidro”, “PWNT”, “ARC Water Technologies", “Jumo” şirkətlərinin baş sponsorluğu “Ultraaqua”, “Sirab” və “Azərsu” ASC-nin sponsorluğu, Caspian Energy Clubun netvörkinq tərəfdaşlığı, Azərbaycan Sahibkarlar Konfederasiyasının tərəfdaşlıq dəstəyi ilə təşkil edilmiş Forumda Amerika Birləşmiş Ştatları, Almaniya, İtaliya, Fransa, Niderland, Danimarka, Belçika krallıqlarınin, Türkiyə, Ukraina, İzrail, Yaponiya və s. ölkələrinin aparıcı və tanınmış şirkətləri öz təcrübələrini yerli sahibkarlarımızla paylaşmışlar.
Forumun təşkilatçısı “Aqualink” şirkəti tədbirə dəstək edən və qoşulan bütün qurum və şirkətlərə dərin minnətdarlığını bildirir, “Gələcək üçün su!” şüarını altında ölkəmizin su resurslarının qorunması və düzgün idarəedilməsi üzrə səylərin artırılmasına çağırır.
Facebook: https://www.facebook.com/profile.php?id=100082562530028
İnstaqram: https://www.instagram.com/waterinnovationforumbaku/
Linkedln: https://www.linkedin.com/company/wif-baku/
