Rubio: ABŞ Türkiyə və Hindistanın Qara dəniz təkliflərini araşdırır

ABŞ Türkiyə və Hindistanın Qara dəniz vasitəsilə taxıl daşımalarının bərpasına dair təkliflərini nəzərdən keçirir.

Operativ Media xəbər verir ki, bu barədə ABŞ Dövlət katibi Marko Rubio oktyabrın 31-də keçirdiyi mətbuat konfransında bildirib.

Onun sözlərinə görə, beynəlxalq ictimaiyyət Rusiya və Ukraynadan taxıl və enerji daşımalarının maneəsiz həyata keçirilməsinə imkan verəcək məhdud atəşkəsə maraq göstərir.

Rubio qeyd edib ki, belə bir razılaşma müharibəni dayandırmasa da, qlobal ərzaq və enerji təhlükəsizliyi ilə bağlı problemlərin bir hissəsinin həllinə kömək edə bilər.